網頁寄存
懶人包：每年最少大約$400左右，最貴一兩萬都有可能，視乎你存放左多少內容
網頁寄存，是存放你網店的「空間」，有些人會稱之為「server費」，當然大家都明白，但其實你支付的幾百圓或兩三千，其實只是租用server其中的一小格！
網頁寄存是一台server中有幾十甚至幾百人同時使用的，當然有經驗的網頁寄存公司會為每個網站設定他們的消耗資源上限，以免一個網站有問題，會影響到其他網站，但一些小型的網頁寄存公司，可能就沒有這樣限制，萬一租到這些公司的服務，隨時有機會「被殃及池魚」！
網頁寄存在香港一般收費400左右是最低的，因為多年錢不知為何，大家就把最低Plan 設定在 $28/月費，計一計，就是$336年費，再把域名費用$68～$98計算在內，剛好大約400～450，當然這類Plan 要來行網店是不足夠的。
網頁寄存一般都是視乎你的內容存量而定，很少限制流量，較貴的網頁寄存，會貴至一兩萬都有可能！因為「網頁寄存」其實普遍都包括了「電郵服務」，其大家經常以為網頁寄存貴，可能只是因為大家都沒有去清理自己的電郵
萬一網頁寄存都唔夠用點算？
升級就係用VPS
VPS 簡單講：可以理解為由一台server幾百客戶，限制左一台server 8客戶 或 16客戶
VPS 準確講：每個客戶都有獨立的ram／cpu，平時唔洗同其他人搶來搶去！
其實而家VPS某程度上已經係雲端技術，唔再係一部機，而係一部超巨型既大空間，再講落去又要好多唔關事既內容
注：VPS是沒有管理版面的，你甚至要自己安裝管理VPS既系統，所以租VPS需要有部分server知識
萬一VPS都唔夠點算？
其實呢個問題比較難，因為而家VPS已經係雲端技術...但好多公司都會限左vps唔會太高既Plan，因為佢地出租：「獨立主機」既業務！
獨立主機最容易理解吧？就係一台server中只有你一個客戶！
注：市面上部分出租獨立主機既公司，都係只包出租，唔包維護，即係你要自己識Server技術同知識，租前要問埋包唔包技術支援
域名費
懶人包：.com $68~198/年、.hk $250/年、 .com.hk $200／年
域名是係你既「網址」，每年都要支付，呢筆錢一般都係經由網頁寄存公司代為支付，當然也能自行管理，但相對應既知識又要多好多，一般搵網頁寄存公司代註冊／代管理／代續約即可！
後續維護費
懶人包：即「網頁修改」，一般都是安次收費及報價
不管你的網站是什麼類型的，都會有後期想修改的地方，比如你搬了新的辦公室地址，更換了電話等等，這些小修改可能有部分網頁公司不收取費用！但你隨著業務發展，難免在功能上有部分地方想修修改改，網頁設計公司一般都會按次報價及按次收費
有一些網頁公司會講明客戶可自行修改，很大可能就係用左所謂既罐頭系統
收費
部分有良心的公司，如果長期有些業務上有問題，修改電話修改地址等等都不會向你作出收費，普通純文字修改都係舉手之勞，只要不改動到圖片／banner都好小事，即使收費都500～1000內
如果功能上的修改，真的要視乎你提出的功能而定
罐頭
上面提到多次的罐頭系統係咩意思？
其實即係網店那一章節提到的「開源系統」
為什麼叫罐頭？因為即開即食，而大部分人都食得入口！
呢個套系係免費既，但普通人可能連安裝都有困難，所以需要搵「網頁設計」公司去搞，但現在很少「設計」了。因為大家都係買模板去安裝
罐頭模板
以最常見既罐頭WordPress 為例，我沒有統計過，但隨隨便便網上搵兩三萬套收費模板一定有！每套模板費用由20～200美金，95％既模板都係70美金以下，你當你大約$600HKD已經幾乎係模板既最高價，但你自己可能購買都買錯，所以呢少少錢都係交俾網頁設計公司做，你自己專心搞好盤生意更有效益
不論係最平既企業形象網站，定係網上商店，都會用到模板，所以沒有一個固定收費，而上面提到模板費用，網頁設計公司一般都唔會同你提，因為你個「網頁設計費」包左，呢個係佢地既成本
注：模板大部分都係一次性支付，極少數要支付年費的
罐頭插件
插件即係指額外既「功能包」，你可以理解為好似你既app store ／ play store，但好多插件都需要收費，香港既網頁設計公司普遍都係叫佢少少，好少直接俾你知原價，但其實你想查都好少查到，因為個插件點都會俾你見到個名，你上網search 一下都會知道費用幾多
比如100美金買斷既插件，大約$800HKD左右，普遍香港網頁設計公司叫價大約$2,000～$3,000HKD，如果係十分常見既插件就會再平少少，因為需要去到買插件，可能都係特殊需求，所以需要為左你而去了解一個插件，收取你大約1000～2000的費用算合理，因為往後一年有任何問題你都會需要佢協助！
至於有部分係收取年費既插件，你就要問清楚，佢地應該只係收取你一個安裝費，而年費應該係收返你接近返個原價先合理
注：插件有部分係一次性支付買斷，亦有大約一半係要收取年費
罐頭好唔好？
以Wordpress為例，前幾年官方聲稱世界有好似40％定係50％都係用佢，或者你會覺得好跨張，但我地行內都認為呢個數字唔跨張，都有係合理範圍！
模板亦唔洗怕重複，現時主要出售既模板都係歐美英文語系為主，係幾萬，甚至幾十萬既模板庫中，你要搵返香港同一間公司，同你選中同一個模板，其實都幾難！更何況只要更換一下首頁果幾張BANNER，分分鍾同緊同一套模板你都唔知！
插件方面亦十分齊全，免費幫唔到你，你都可考慮付費，大部分都係幾十美金可解決，你搵人自行開發一套無幾千都搞唔掂
有關罐頭或者Wordpress之後會有多篇文章詳細分享
